ติดตามพวกเราได้ที่ :
เพลง| MV| อัลบั้ม
เพลง เอื้อยขี้คร้าน - ดอกอ้อ-ก้านตอง

เพลง : เอื้อยขี้คร้าน

ศิลปิน : ดอกอ้อ-ก้านตอง

อัลบั้ม : ชุดพิเศษ เอื้อย-น้อง ร้องลำ

:ดาวน์โหลดเพลงรอสาย เพลงเต็ม ริงโทน และ MV
*123 1031422 3

11,514

Embed :

ดอกอ้อ-ก้านตอง - เอื้อยขี้คร้าน
คำร้อง/ทำนอง บุญล้อม คู่กะสังข์
เรียบเรียง สวัสดิ์ สารคาม


(ก้านตอง)(ร้อง) เอื้อยเอ้ยน้องมีแนวสิมาส่อ
น้องมีคำสิมาส่อ
อยากสิถามแบบจั่นจ้อ
จ้อจ้อ สิมาย่อดอกต่อถาม

(ดอกอ้อ)(พูด) ถามหยังน้องหล่าเว้ามาเบิ่งดู

(ก้านตอง)(ร้อง) เอื้อยเอ้ยเอื้อยกะเป็นสาวผู้งาม
คือบ่คิดสิมีไผ
คือบ่คิดอยากได้
อยากได้ไผมาซ้อนนอนฮ่วมกัน

(ดอกอ้อ)(พูด) โอ๊ย บ่ดอกเอื้อยขี้คร้าน
เถิงย่านใจขาดนำนั้นล่ะ
(ก้านตอง)(พูด) บ่ย่านขึ้นคานบ่เอื้อย

(ดอกอ้อ)(ร้อง) น้องเอ้ยเอื้อยบ่เคยคิดย่าน
ถึงขึ้นคานบ่เสียใจ
บ่ได้กินปลาข่อใหญ่
ปลาข่อใหญ่กะอยู่ได้ตั๊วละน้อง

(ดอกอ้อ)(พูด) ประสา สำปลาข่อใหญ่
(ก้านตอง)(พูด) แม่นบ่เอื้อยคิดให้ดีดีเด้อ

(ดอกอ้อ)(ร้อง) น้องเอ้ยอย่ามาถามอย่ามาส่อ
ขอร้องเรื่องดอกจั่งสิ
ฮู้อยู่ว่าน้องอยากมี
อยากได้หลานน้อยไว้อ่อยจา

(ก้านตอง)(พูด) บ่เป็นหยังดอกเอื้อย
มันบ่ใจขาดดอก คนอื่นเขาเอา
คือบ่เห็นเป็นหยัง เขาคือว่าดีแท้แท้เด้
ลองเบิ่งตี้หล่า

(ดอกอ้อ)(พูด) บ่บ่ บ่บ่ เอื้อย ขี้คร้าน ขี้คร้าน
(ก้านตอง)(พูด) โอ๊ย จะแม่นเว้ายากเนอะเอื้อยกะดาย

(ก้านตอง)(ร้อง) ผู้บ่าวคุ้มเหนือ คุ้มใต้หลายคนมามัก
อยากมาฮู้จัก ก็มีเยอะแยะที่แวะเที่ยวมา
เอื้อยบัดบ่สน ใจดำทำบ่หัวซา
เดี๋ยวเขาสิหาว่า
เอื้อยท่าใหญ่อยากอายไทบ้าน

(ดอกอ้อ)(ร้อง) กะสางเขาน้องเขาสิมองจั่งได๋กะสาง
เอื้อยกะสิยังยืนยันคำเดิมว่าเอื้อยขี้คร้าน
สิหล่อขั้นเทพมายืนตรงหน้ากะบ่ต้องการ

(ดอกอ้อ)(พูด) กะหยังว่าคร้านคร้านไปทุกเรื่อง
โอ๊ย คร้าน คร้าน คร้าน

(ก้านตอง)(พูด) ปานนั้นบ่เอื้อย
(ดอกอ้อ)(พูด) ปานนั้นล่ะหล่า

(ก้านตอง)(ร้อง) เอื้อยจ๋าเอาเป็นว่าโอเคเนอะ
น้องสิบ่ได้ส่อต่อ
ฮู้บ่ว่าแม่กับพ่อเพิ่นนั้นคิดอยากได้
อยากได้เขยไว้ซอยงาน

(ดอกอ้อ)(พูด) อยากให้เอื้อยได้ผัวอีหลีบ้อน้องหล่า

(ก้านตอง)(ร้อง) เอื้อยเอ้ยสิบ่ได๋น้องฟุ้งซ่าน
อยากอุ้มหลานน้อแฮงแฮง
ให้เอื้อยตกลงปลงแต่งหา คนไว้ซอยแห่งดี

(ดอกอ้อ)(พูด) ซั่นตั๊ว
(ก้านตอง)(พูด) เอ้า กะยังว่าเอื้อยขี้คร้าน
เถิงย่านใจขาดกะยังว่า กะยังว่า

(ดอกอ้อ)(ร้อง) น้องเอ้ยเอื้อยบ่เคยอยากได้ผัว
บ่เปิดตัวให้ไผคบ
หมู่เขาแต่งแตกโคบโคบ
โคบโคบส่างเขาแล่วเอื้อยอยู่ได้

(ก้านตอง)(พูด) อยู่ได้อีหลีบ้อ
(ดอกอ้อ)(พูด) แน่นอน

(ดอกอ้อ)(ร้อง) น้องเอ้ยเอื้อยฮู้อยู่น้องอยากได้
หลานหญิงชายดอกมากล่อม
สิถนอมซอยเลี้ยง
ซอยเลี้ยงขอเพียงเอื้อยดอกเอาผัว

(ก้านตอง)(พูด) ว่าซั่นตี้
(ก้านตอง)(พูด) จ๊ะเอื้อย

(ดอกอ้อ)(พูด) มาคือคะยั้นคะยอคักแนแท้น้อน้องสาว
เถิงพ่อเถิงแม่นิแหมะ
(ก้านตอง)(พูด) เอ้า กะข่อยอยากได้พี่อ้ายเนอะ
(ดอกอ้อ)(พูด) กะยังว่าเอื้อยขี้คร้าน ขี้คร้าน

(ก้านตอง)(ร้อง) ผู้บ่าวตร.หนุ่มอบต.ก็มีมากมาย
คั่นเม่นยากได้ลูกพ่อผู้ใหญ่ก็ไม่ว่ากัน
หรือผู้บ่าวครูลูกท่านสจ.หลานพ่อกำนัน
คำเดียวสั้นสั้น น้องสิจัดการจัดให้ทันที

(ดอกอ้อ)(ร้อง) จั่งสั่นกะได้คันน้องอยากให้เอื้อยนั้นแต่งงาน
แต่เอื้อยต้องการผู้บ่าวลูกติด มานำยิ่งดี

(ก้านตอง)(พูด) คือว่าซั่นน้อ

(ดอกอ้อ)(ร้อง) น้องสาวของเอื้อย
สิได้เลี้ยงหลานได้ทันถ่วงที
ก็เพราะเอื้อยนี้ มันขี้คร้าน
ขี้คร้าน ขี้คร้าน แนวนี้แหมะ

(ก้านตอง)(พูด) เบ้ยเอื้อยอันนี้แหมะ
บ่ฮู้จักแนวดีเนอะ
เฮ้ยขี้คร้านเว้านำล่ะซำนี้ละ
(ดอกอ้อ)(พูด) เอ้ากะยังว่าเอื้อยขี้คร้าน

ผู้เยี่ยมชมล่าสุด